المنتدى الرسمى لمحبى عماد متعب


http://i20.servimg.com/u/f20/09/00/19/15/welcom10.jpg
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
المنتدى الرسمى لمحبى عماد متعب

أول منتدى خاص بالنجم عماد متعب على شبكة الإنترنت www.Emadmet3b.fr-bb.com


    نصائح مطبخية مية في المية

    شاطر
    avatar
    سالى
    عاشق ذهبي
    عاشق ذهبي

    عدد المساهمات : 1901
    العمر : 29
    Localisation : الشرقيه

    نصائح مطبخية مية في المية

    مُساهمة من طرف سالى في السبت سبتمبر 29, 2007 11:21 am

    يلاّ نشوف المشاكل وحلولها مع بعض
    _ _ _ _ _ _ _ _ _ _ _ _

    المشكلة الأولى
    زيادة الملح في الطعام

    ساعات وإنتِ بتطبخي والأكل لسه على البوتاجاز بعد ما تحطي الملح وتدوقي الأكل تلاقي إن الأكل طلع ملحه كتير شوية.. طبعا بتزعلي وبتبقي مش عارفة تعملي إيه بالرغم من إن الحل بسيط جدا وكل الحكاية إنك والأكل لسه على النار تجيبي بصلة وتقشريها وتقطعيها إلى قطع صغيرة جدا وتحطيها في الحلة اللي فيها الأكل ده وهي هتمتص أي ملح زيادة.

    أو إنك تضيفي معلقة صغيرة من السكر وهي هتضيع لك أي ملوحة في الطعام.
    المشكلة التانية
    دموع البصل

    أكيد لو سألت أي بنت وقلتِ ليها إيه هي الحاجة اللي مش بتحبيها في المطبخ هتقول لك على طول البصل لأنه بيسبب دموع وحرقان في العين...

    والحل هو إنك تحطي البصل قبل ما تنظفيه في حلة فيها مية لمدة نصف ساعة وبعد كده هاتيه ونظفيه وقطعيه وإن شاء الله مش هيبقى فيه دموع نهائي.. دي طريقة، وفيه طريقة تانية وهي إنك تحطي البصل بعد ما تقشريه في الفريزر لمدة نصف ساعة.
    المشكلة الثالثة
    الأكل لزق على النار

    ممكن وإنتِ بتعملي الأكل تلاقي جرس الباب رن وتروحي تفتحي وترجعي تاني للمطبخ تلاقي إن الأكل لزق في الحلة.. طبعا مش معقول إنك ترمي الأكل..

    علشان كده أحسن حل هو إنك تطفي البوتاجاز بسرعة وتجيبي حلة تانية وتحطي فيها الأكل ما عدا الجزء اللي لزق.
    المشكلة الرابعة
    تغير لون الفاكهة أو الخضار

    دي حاجة كلنا عارفينها وهي إن فيه أنواع من الخضار لونها بيتغير بسرعة وبيسود بعد ما بتتقشر زي البطاطس والباذنجان، وحل الموضوع ده إنك تقشري البطاطس وتقطعيها وتحطيها في مية بملح ونفس الشيء مع الباذنجان الأسود.

    أما بالنسبة للفاكهة زي الموز أو التفاح فياريت إنك تضيفي إليهم عصير الليمون على طول علشان لونهم مايتغيرش.
    المشكلة الخامسة
    للتخلص من رائحة السمك في المطبخ


    دي بقى مشكلة ناس كتير بتعاني منها لدرجة إن فيه ناس مش بتحب إنها تقلي أو تشوي سمك في البيت بسبب موضوع الريحة اللي بيسببها السمك....

    وعلشان تتخلصي من الريحة دي فيه شوية حاجات ممكن إنك تعمليها علشان تقدري إنك تقلي أو تشوي من غير أي ريحة.
    والحاجات دي هي:-
    1- حطي شوية خل أو عصير ليمون في زيت القلي أو ضيفي شوية من قشر الليمون الطازج للزيت وعلى فكرة الحركة دي بتدي للسمك طعم حلو قوي، وبكده يبقى إنتِ ضربتِ عصفورين بحجر واحد، خلصتِ من ريحة السمك وحصلتِ علي طعم حلو.

    2- أو إنك تحطي قطعة فحم غير مشتعلة على الفرن بجانب الصينية اللي بتقلي فيها وخدي بالك إنك تغطي الصينية دي وافتحي مروحة الشفط والشبابيك كلها وبعد ما تخلصي مافيش مشكلة من إنك ترشي معطر جو في الشقة وبكده مش هتلاقي ريحة نهائي.
    المشكلة السادسة
    كسر البيض أثناء السلق

    ساعات كتير وإنتِ بتسلقي البيض ممكن إن البيض يتعرض لحدوث شرخ أو كسور أثناء السلق...

    علشان تتغلبي على المشكلة دي يبقى ياريت تحطي معلقة صغيرة خل في المية أو معلقة ملح.

    كمان خدي بالك إنك لو لقيتِ إن البيضة اللي هتسلقيها مشروخة يبقى حطي عصير ليمونة في مية السلق أو غلفي البيضة المشروخة بورق الفويل.
    المشكلة السابعة
    الحفاظ على الخضروات الورقية من التلف

    ممكن إنك تجيبي خس وبقدونس وعلى آخر اليوم تبصي عليه تلاقي لونه بدأ يصفر..

    علشان تتخلصي من المشكلة دي يبقى ياريت بعد تجيبيهم وتغسليهم كويس وبعد كده تجففيهم وتحطيهم في فوطة وتحطيهم في كيس نايلون وبكده تضمني إن الحاجات دي هتقعد معاكِ لمدة عشرة أيام ده غير إنها هتكون نظيفة وجاهزة على الاستعمال.
    المشكلة الثامنة
    شوي اللحوم والفراخ والسمك


    فيه بنات كتير قوي بتعتبر شوي اللحوم أو الأسماك مهمة صعبة تكاد تكون مستحيلة بالرغم من إن الشوي ده مافيش أبسط منه.
    وكل الحكاية إنك تاخدي بالك من شوية الحاجات البسيطة دي:
    1- شيلي الدهون الموجودة في الفراخ أو اللحمة قبل الشوي.

    2- ماتستخدميش شوكة لتقليب اللحمة أو الفراخ المشوية علشان اللحوم ماتتجرحش منك ويبقى شكلها مش لطيف أثناء التقديم.

    3- ماتقلبيش اللحمة أو الفراخ أثناء الشوي كل شوية يعني كفاية مرة واحدة لكل ناحية.

    4- خدي بالك وإنتِ بتشوي السمك إن فيه أنواع من الأسماك زي البلطي مثلا لازم تحطي فيها ردة علشان ماتلزقش في الشواية وفيه أنواع تانية يفضل لفها بورق حراري علشان ماتلزقش.
    المشكلة التاسعة
    تحمير اللحمة والفراخ والسمك


    زي ما الشوي مهمة صعبة برضه التحمير والقلي في الزيت مهمة صعبة علشان اللحوم أو الأسماك دي ممكن إنها تلزق أو الزيت ممكن إنه يتطاير عليكِ أثناء القلي.

    علشان كده لازم تاخدي بالك من شوية الحاجات دي اللي لو عملتيها يبقى إن شاء الله مش هتلاقي مشكلة.
    1- اتأكدي الأول إن الصينية اللي هتقلي فيها مافيش فيها أي آثار للمية ولو حتى مية بسيطة ومن الأحسن إنك تحطيها الأول على النار لمدة 3 دقائق، وبعد كده تحطي الزيت وبكده تضمني إن الزيت مش هيتطاير عليكِ.

    2- اتأكدي إن الزيت سخن كويس قبل ما تحطي أي حاجة فيه علشان لو حطيتِ قبل ما الزيت يسخن هتلاقي إن السمك أو الفراخ لزقت فيه.
    المشكلة العاشرة
    سلق اللحمة أو الفراخ


    أنا عارفة إن سلق اللحمة أو الفراخ مافيش فيه مشكلة بس معلش فيه شوية حاجات بسيطة خدي بالك منها وهي:-
    1- قبل ما تحطي اللحمة أو الفراخ في المية اتأكدي إن المية دي وصلت فعلا لمرحلة الغليان.

    2- ماتحطيش الملح بعد ما تحطي اللحمة والفراخ على النار... استني شوية وقبل ما اللحمة أو الفراخ تستوي بربع ساعة حطي الملح والتوابل.

    3- لو لقيتِ إن اللحمة أخذت وقت طويل جدا على النار من غير ما تستوي يبقى ضيفي إليها معلقة صغيرة من السكر وهي هتستوي على طول.
    يارب تعجبكز
    avatar
    بطه
    عاشق ماسي
    عاشق ماسي

    عدد المساهمات : 7938
    العمر : 32

    رد: نصائح مطبخية مية في المية

    مُساهمة من طرف بطه في السبت سبتمبر 29, 2007 12:03 pm

    شكرا يا سالى على النصائح الحلوة دى
    avatar
    dode_emad
    V - I - P
    V - I - P

    عدد المساهمات : 778
    العمر : 31
    Localisation : cairo

    رد: نصائح مطبخية مية في المية

    مُساهمة من طرف dode_emad في الأربعاء أكتوبر 03, 2007 10:00 am

    شكرا ياسالى بجد موضوع حلو اوى والنصائح احلى
    avatar
    فاطمة
    مشرفة قسم الصور الرياضية
    مشرفة قسم الصور الرياضية

    عدد المساهمات : 7936
    العمر : 22
    Localisation : هنــآك شَخــص : أآآفتقَدهُ و أآآفتقَد الحديث معه أآكـثَــر ممــآ هــوَ يـَتــوقــعْ ../ ولكن ...

    رد: نصائح مطبخية مية في المية

    مُساهمة من طرف فاطمة في الجمعة أكتوبر 05, 2007 8:32 am

    شكرا جدا
    انا بيحصل معايا دموع البصل ولزق الطعام
    وان شاء الله مش هيكون في حاجة من الاتنين


    _________________
    سبحان الله ... والحمد الله .... ولا إله إلا الله .... والله أكبر




    avatar
    ahlybass
    عاشق نشيط
    عاشق نشيط

    عدد المساهمات : 166
    العمر : 34

    رد: نصائح مطبخية مية في المية

    مُساهمة من طرف ahlybass في الجمعة أكتوبر 05, 2007 8:43 am

    ميرسي قوي ياسالي فعلا نصائح مفيده
    avatar
    FreeSoul
    عاشق فضي
    عاشق فضي

    عدد المساهمات : 871

    رد: نصائح مطبخية مية في المية

    مُساهمة من طرف FreeSoul في الجمعة أكتوبر 05, 2007 9:22 am

    شكرااااااااااا جداااااااااااااااااا يا سااااااااااااالى....
    و الله أنا طبعت الموضوع ده على Word و ححتفظ بيه علطوووووووووول..... cheers
    avatar
    عاشقة جمعه
    عاشق فضي
    عاشق فضي

    عدد المساهمات : 552
    Localisation : فى النادى الاهلى

    رد: نصائح مطبخية مية في المية

    مُساهمة من طرف عاشقة جمعه في الإثنين ديسمبر 03, 2007 12:02 am

    ميرسى يا سالى
    avatar
    jeje
    عاشق فضي
    عاشق فضي

    عدد المساهمات : 682
    العمر : 32
    Localisation : بورسعيد

    رد: نصائح مطبخية مية في المية

    مُساهمة من طرف jeje في الثلاثاء ديسمبر 04, 2007 1:04 am

    ميرسي بجد على النصائح الهايله دى
    avatar
    بنت المنصوره
    عاشق فضي
    عاشق فضي

    عدد المساهمات : 622
    العمر : 25
    Localisation : المنصوره

    رد: نصائح مطبخية مية في المية

    مُساهمة من طرف بنت المنصوره في الخميس ديسمبر 27, 2007 6:28 pm

    ميرسى جداااااااااااااااا جدااااااااااااااااا
    ياسالى وماما بتقولك جزاكى الله خيرا هى استفادت منك كتيييييييييير
    avatar
    سما/عاشقة عبد الوهاب
    مشرفة قسم اللاعب محمد عبد الوهاب (رحمه الله)
    مشرفة قسم اللاعب محمد عبد الوهاب (رحمه الله)

    عدد المساهمات : 8832
    العمر : 35

    رد: نصائح مطبخية مية في المية

    مُساهمة من طرف سما/عاشقة عبد الوهاب في الجمعة ديسمبر 28, 2007 8:18 pm

    مرسىىىىىىىىى اووووووووووى ليكىىىىىىىى على التوبيك المهم ده..........

      الوقت/التاريخ الآن هو الجمعة نوفمبر 24, 2017 9:26 pm