المنتدى الرسمى لمحبى عماد متعب


http://i20.servimg.com/u/f20/09/00/19/15/welcom10.jpg
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
المنتدى الرسمى لمحبى عماد متعب

أول منتدى خاص بالنجم عماد متعب على شبكة الإنترنت www.Emadmet3b.fr-bb.com


    الاضاءه المناسبه لكل بيت

    شاطر
    avatar
    اميرة الكلمات
    عاشق مشارك
    عاشق مشارك

    عدد المساهمات : 99
    العمر : 25

    الاضاءه المناسبه لكل بيت

    مُساهمة من طرف اميرة الكلمات في الخميس يوليو 10, 2008 7:35 pm


    النجف لإضاءة البيت الكلاسيك

    وكلاسيك يعني مستوحى من أحد الطرازات القديمة العريقة مثل الطراز الفرنسي وهو الغالب على بيوتنا أو الطراز الإنجليزي أو العربي لو بيتنا كله كلاسيك أو فرنساوي هيبقي كل وحدات الإضاءة عبارة عن نجف؛ لأنها أكتر حاجة مناسبة للطراز ده.
    نجفة الصالون






    [size=18]يا ريت نجفة الصالون تكون كريستال وفيه أنواع كتير من أشهرها "البكرا" و"المورانو" ومن أشهر الأشكال "ماري تريز" وعلى فكرة "ماري تريز" كانت ملكة النمسا وهي أم للملكة "ماري أنطونيت" زوجة الملك لويس السادس عشر اللي تم إعدامهم مع بداية الثورة الفرنسية.

    والنجف الكريستال من مميزاته إنه بيدي ضوء حلو مع لمعان الكريستال وفي الغالب بياخد عدد كبير من اللمبات وبتكون اللمبة على شكل بلحة ومن الأفضل إنها تكون شفافة مش مصنفرة.[/size]



    والنجف الكريستال تنظيفه بيكون صعب شوية بس فيه منظفات كتيرة موجودة في السوق بتساعد على التنظيف بسهولة من أشهرها السبرتو.
    نجفة السفرة



    أما نجفة السفرة فمن الأفضل إنها تكون نحاس أو برونز ودايما نحاول إنه يكون دهبي مترب شوية، ولازم تكون متوسطنة في منتصف الترابيزة.
    نجفة الأنتريه




    أما نجفة الأنتريه ممكن تكون نجفة صغيرة فيها 3 خراشيف وتكون بسيطة في شكلها وفي المدخل ممكن نحط طبق كريستال.
    أوضة النوم





    وفي أوضة النوم ممكن كمان نحط فيها نجفة نحاس وأباجورات كريستال.
    الريسبشن



    لو هنحط أباجورت في الريسبشن لازم يكون ليهم برنيطة فيها عقادة.

    وفيه حاجة مهمة قوي لازم ناخد بالنا منها واحنا بنحط النجف في الريسبشن ففيه أسلوبين لوضع النجف فإما تكون كل نجفة مختلفة عن التانية في الشكل تماما يعني مفيش بينهم أي وجه تشابه، وإما تكون الثلاث نجفات إخوات ونوزعهم على كل الريسبشن.



    كده إحنا اتكلمنا على البيت الكلاسيكي، وتعالوا نتكلم عن البيت المودرن..
    البيت المودرن وإضاءة غير مباشرة

    فلو فرش البيت بطريقة مودرن فممكن أحط فيه إضاءة غير مباشرة يعني ممكن نحط أباجورات وممكن يكون في البيت نور على كورنشية الريسبشن بحيث إن الكورنيشه تكون فيها حتة غويطة نحط فيها الإضاءة.

    كمان في بعض النجف الموجود في السوق المصنوع من الستانلس ستيل والزجاج فممكن نستعين بيه.

    ورأيي إننا نبعد عن الإضاءة الفلورسنت داخل المنزل لكن ممكن نستخدمها في الحمام أو المطبخ فقط.
    وفيه نجف جديد موجود في السوق فيرفورجيه من مميزاته إنه ممكن نمشيه مع الكلاسيك والمودرن دايما نحط زرار "ديمر" للتحكم في الإضاءة وده بيكون زرار مدوّر بيلف في الحيطة بيقدر يتحكم في كمية الإضاءة اللي إحنا محتاجين لها.
    إزاي نستفيد من الأباليك....؟


    وهي من طرق الإضاءة المنتشرة وبتمشي مع العفش المودرن والكلاسيك فيه أشكال كتيرة منها بس أنا مش من محبي الأباليك نهائي؛ لأنها بتقيد الحيطة بمعني إننا لو يوم حبينا نشيل الأباليك دي هيكون فيه خرم في الحيطة من وصلة الكهرباء.


    وعموما الارتفاع المناسب لوضع الأباليك هي 180 سم من الأرض طبعا لازم نحط اتنين أبليكة جنب بعض، وفي وسطهم نحط لوحة أو مرايا والحطية اللي هنحط فيها الأباليك بلاش يزيد عرضها عن 4 متر لأن كل الأباليك لما تكون قريبة من بعض كل ما كان شكلها أحلى.

    ومن أشهر الاسواق اللي بتبيع نجف درب البرابرة في القاهرة، والعطارين في الاسكندرية.
    ودي تشكيلة من النجف ووحدات الإضاءة

















    اتمنى ان يعجبكم
    avatar
    dode_emad
    V - I - P
    V - I - P

    عدد المساهمات : 778
    العمر : 30
    Localisation : cairo

    رد: الاضاءه المناسبه لكل بيت

    مُساهمة من طرف dode_emad في الأحد يوليو 13, 2008 8:27 am

    مرسيييييييييييييييييي يا جميل على التوبيك
    وسعيدة جدا بمشاركتك فى القسم مع انتظار المزيد منك
    avatar
    اميرة الكلمات
    عاشق مشارك
    عاشق مشارك

    عدد المساهمات : 99
    العمر : 25

    رد: الاضاءه المناسبه لكل بيت

    مُساهمة من طرف اميرة الكلمات في الأحد يوليو 13, 2008 9:05 pm

    مرسي ليكى على مرورك

      الوقت/التاريخ الآن هو الأربعاء يوليو 26, 2017 8:33 am