المنتدى الرسمى لمحبى عماد متعب


http://i20.servimg.com/u/f20/09/00/19/15/welcom10.jpg
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
المنتدى الرسمى لمحبى عماد متعب

أول منتدى خاص بالنجم عماد متعب على شبكة الإنترنت www.Emadmet3b.fr-bb.com


    واحنا مالنا

    شاطر

    تونة
    عاشق جديد
    عاشق جديد

    عدد المساهمات : 33

    واحنا مالنا

    مُساهمة من طرف تونة في الإثنين سبتمبر 06, 2010 9:01 pm

    أنا من فترة بتابع ردود الأعضاء على حكاية متعب ويارا وعارفه ان الكلام في الموضوع ده ممكن يتقفل أو يعمل مشكلة في المنتدى بس أنا مش جاية أشتم واتمنى من اللي يردوا عليا كمان انهم مايشتموش
    وخلينا نتكلم براحة شوية

    أغلب الردود كانت شتايم في عماد لكن أغرب حاجة كان موضوع اسمه ( أيها الملاك الطائر لا تحزن )

    وكان من ضمن اللي اتكتب في الموضوع – وياريت صاحبة الموضوع ماتزعلش مني أو أي حد رأيه مش من رأيي برضه مايزعلش مني – أنا بس بقول رأيي

    الي الملاك الطائر(عماد متعب)لاتحزن ولاتلتفت لهزه التفاهات التي من الممكن ان تضيع سمعتك التي هي اكثر شيئ نخاف عليها في هزا الوجود ورسالتي لك هي اننا نتوسل اليك يا متعب ارجوك من فضلك لوسمحت ابعد عن البنت دي يا عماد بلاااااااااااااااااااااااااااااااااااااااااااااااااااااااااااااااااااااااااااااااش ابوس ايدك وايديك وعنيك بلااااااااااااااااااااااااااااااااااااااااااااااااااااااااااااااااااااش وحيات والدتك اللي هية اغلي حاجة عندكفي الدنيا بلااااااااااااااااااااااااااااااااااااااااااااااش البنت دي اللهم اغفر انا ولها ويهديها بس بعيد عنو علشان دي ماتنفعهوش وماتستاهلهوش والله العظيم ماتستاهلودة عماد خسااااااااااااااااااااااااااااااااااااارة فيها وحيات ربنا وبجد انا بدعيلها من قلبي ربنا يهديها يارب بس تبعد عنه

    أولاً عماد مش ملاك ده بشر عادي
    ثانياً متعب يرتبط أو مايرتبطش دي حاجة تخصه ولو غلط ربنا اللي هيحاسبه مش احنا
    ثم ايه لازمة المحايلة واننا نبوس ايديه ونحلفه بوالدته عشان يبعد عن يارا عماد في الأول والآخر لاعب كورة في الأهلي زيه زي أي لاعب تاني هو ممكن يكون نجم بس مش ملاك
    الناس اللي زعلانة عشان عماد خطب يارا ومستغربة ازاي المحترم المؤدب الطيب يعمل كده بقولهم مفيش داعي نكبر عماد قوي لدرجة اننا نخليه ملاك
    والناس اللي زعلانة برضه عشان خطب يارا ونازلة شتيمة فيه وفي أخلاقه بقولهم مفيش داعي نحتقره قوي لدرجة اننا نخليه شيطان

    يخطب أو مايخطبش بيارا أو غيرها في الأول والآخر هو بشر ولولا انه لاعيب في النادي الأهلي مكناش عرفنا اسمه وشكله أصلاً
    يعني لو حد فينا شاف واحد غريب بيعمل حاجة ممكن تكون بايخه من وجهة نظره - بس من وجهة نظر صاحبها لأ – آه هيضايق بس شوية وهينسى لأنه في الأساس مايعرفش عن الحد ده حاجة
    والمثل بيقول تعرف فلان قاله آه قاله عاشرته قاله لأ قاله تبقى ماتعرفوش
    قولولي بقى مين فينا يعني يعرف عماد عشان يتأثر قوي كده ؟! مين فينا شافه واتكلم معاه الا لو كان معجب أو معجبة أتصوروا معاه والسلام عليكم
    مين فينا يعرف هو بيحب ايه بيكره ايه بيضحك امتى وبيبوز امتى ؟
    مين فينا يعرف نفسيته واللي بيفكر فيه واللي بيتمناه ؟
    مين فينا يعرف هو طيب ولا شرير .. خبيث أو على نياته ؟
    هو مش ممكن يكون في ناس راسمة صورة مثالية لمتعب زيادة عن اللزوم ؟ ومش ممكن متعب يكون تايه الفترة دي ومتخبط فعلاً ؟ وممكن حاجات كتير بس مانقدرش نتأكد من حاجة لأننا مانعرفوش

    انا مش بدافع عن اللي عمله ولا بهاجمه
    أنا شخصياً شايفه انه غلطان بس عماد مش من بقية أهلنا عشان نزعل ونتحمق ونشتم أو نتحايل ونرجو ونتوسل وماحدش يقولي احنا بنحب عماد وعشان كده بننصحه احنا في الأصل مانعرفش مين هو عماد متعب عشان نحبه أو نكرهه واحنا مش هنحب متعب أكتر من ماهو هيحب نفسه
    وأنا لما اشتركت على المنتدى اشتركت لأني بحب طريقة لعبه لكن هو شخصياً مش من بقية عيلتي
    يخطب آيتن يخطب يارا يخطب الجن الأزرق المفروض ده مايفرقش معانا في حاجة
    انا عمري ماحطيت موضوع هنا ونادراً مابرد على حاجة بس الصراحة أنا مستغربة ردود الأعضاء فعلاً ؟!
    avatar
    elprince
    عاشق مميز
    عاشق مميز

    عدد المساهمات : 218
    العمر : 26
    Localisation : elshr2aya

    رد: واحنا مالنا

    مُساهمة من طرف elprince في الإثنين سبتمبر 06, 2010 9:05 pm

    والله قلتي اللي نفسي اقوله
    وفعلا اي الملاك الطاهر دي
    avatar
    Oomnia
    عاشق ذهبي
    عاشق ذهبي

    عدد المساهمات : 1088

    رد: واحنا مالنا

    مُساهمة من طرف Oomnia في الإثنين سبتمبر 06, 2010 9:28 pm

    والله يعنى عماد جاب يارا فى وقت الناس كانت بتقول انو ارجع عشانهاااااااا

    واكد دا فى ماتش الشبيبه دا

    والناس كلها بقت شايطه منوو
    avatar
    عماد مُتعب
    رئيس رابطة المُتعبون
    رئيس رابطة المُتعبون

    عدد المساهمات : 151
    العمر : 25

    رد: واحنا مالنا

    مُساهمة من طرف عماد مُتعب في الإثنين سبتمبر 06, 2010 9:52 pm

    بصي كل ما في الموضوع إن متعب مشهور و محبوب و نتمنى إنه ميقعش في الغلط و أي واحدة بتخش مسابقة ملكة جمال مصر بتسقط من نظري علشان أكيد إنتي عارفة العالم كله بيشوفها إزاي في التلفزيون في إختبار الجرأة فأنا مثلاُ مش عايز متعب إللي من منتخب الساجدين إللي بيسجد بعد كل جون يروح لواحدة مش عايز أقول كلمة جارحة بس بيتيئلي إنك فهمتيني و ده مجرد رأي مش حاجة إلزامية لازم متعب يعملها علشاني
    avatar
    مها متعب
    V - I - P + فائزة في مسابقة "في حب متعب"
    V - I - P + فائزة في مسابقة

    عدد المساهمات : 1262
    العمر : 29

    رد: واحنا مالنا

    مُساهمة من طرف مها متعب في الإثنين سبتمبر 06, 2010 10:43 pm

    و الله انا معاكى فى كل كلمة قولتيها
    و خلاص بقى هو حر و احنا مالناش اننا نتدخل ... هو اللى هيتجوز و هو اللى هياخد خيرها او شرها مش احنا

    تونة
    عاشق جديد
    عاشق جديد

    عدد المساهمات : 33

    رد: واحنا مالنا

    مُساهمة من طرف تونة في الثلاثاء سبتمبر 07, 2010 4:32 am

    شكراً على ردودكم يا جماعة
    وانا معاكم في كل كلمة عماد غلطان والغلط راكبه من ساسه لراسه وربنا يهديه وكمان كلنا عارفين مسابقات ملكات الجمال دي بتبقى عامله ازاي بس تفتكروا يعني عماد مش عارف ؟!
    أكيد هو لما ارتبط بيها كان عارف كل الحاجات دي
    وأرجع وأقولكم عماد مش من بقية عيلتنا ومفيش داعي للهلمة دي كلها على واحد مايعرفناش واحنا كمان مكانش ممكن معرفه لولا إنه لاعب في النادي الأهلي
    مهما كنا بنحب عماد - ولو اني ضد اننا نحب أو نكره واحد مانعرفوش لمجرد انه بيلعب كويس أو وحش - فاحنا مش هنحبه أكتر ماهو هيحب نفسه
    ومهما كان قلبنا على مصلحته مش هيبقى أكتر من نفسه
    avatar
    mero 3omda
    عاشق فضي
    عاشق فضي

    عدد المساهمات : 613
    العمر : 23
    Localisation : ????

    رد: واحنا مالنا

    مُساهمة من طرف mero 3omda في الثلاثاء سبتمبر 07, 2010 5:59 am

    يا جماعة مفيش حاجة اسمها حياته الشخصية



    عماد شخصية عامة ولازم يبئى حريص على تصرفاته لان في بعض الناس وخدينه قدوة ليهم من كتر حبهم فيه




    حكاية يخطب ولا ميخطبش ده ملناش فيها لكن النفروض ميطلعش مع واحدة لسة متربطهمش علاقة خااالص ادام 7000 شخص


    لازم يكون حريص على تصرفاته اكتر




      الوقت/التاريخ الآن هو الأحد يوليو 23, 2017 12:48 am